عدد الرسائل : 295 العمر : 33 الموقع : http://en.netlog.com/manar19 تاريخ التسجيل : 28/09/2007
موضوع: مالاتعرفونه عن مازن ... الإثنين أكتوبر 22 2007, 19:54
في البدايه وبغض النظر عن كل شي.. رح أحكي عن مازن
كصديق ... مازن من الأشخاص يلي صداقتهم كتييييييييير حلوه وبتفيدك كتير من كل النواحي .. وهون عم أحكي عن النواحي هي .. يعني بس تكون رفيق مازن .. لازم تعرف أنو في شخص بتقدر تحكيلو كل شي بقلبك .. وأنت متأكد أنو ما بيحكي لحدا لو على قطع رقبتو ... مازن من الأشخاص المخلصين لرفقاتهم لأبعد الحدود ... وعملني أشياء بتجنن عن الشباب وروحهم الحلوه ...وأنو الإنسان رح يعيش مره وحده مشان هيك خلينا نعيشها ..ونتسلى فيها .. وبنفس الوقت ما ننسى ربنا بنص ساعه من وقتنا باليوم ... وما ننسى أهلنا ولو بكلمه حلوه يعني إذا كنت زعلان أو مقهور ... ما الك إلا مازن .. لأنو بروحو المرحه بينسيك همك .. وإذا حسيت بضيق و هم فهو رح يكون أول الأشخاص يلي رح يتعبو حالهم كرمالك ...
طبعاً لازم أحكي عن مازن كأخ .. أول شي لو أنت أخو مازن ... رح تتعلم تفيق بكير .... (الساعه 6 الصبح) وتلعب رياضه كل يوم ... أديش بتكون مبسوط وأنت عم تشوف حركاتو وتصرفاتو يلي بتخليك تحس أنو لسى في أشخاص كويسين بهالدنيا .. مازن من الأشخاص المحبين و الودودين ... بصراحه أنا من الأشخاص يلي بنتقد غيري كتير كتير .. ومازن علمني أني غير هالشي .. وعلمني أنو أصبر شوي مشان لاقي نتيجه ... يمكن البعض يحسني كترت حكي ... أو بالغت .. بس أنا عم أحكي شي واقعي وحقيقي ... حتى مازن يمكن مابيعرف أنو هو علمني هالقصص ... لأني تعلمتها منو من خلال الأيام يلي قضيناها سوا .. شو بيعني مازن للجميع .. كفرد من العائله .. رغم أنو مازن مو أكبر أخوانو .. بس معظم الإعتماد عليه ... لأنو أخانو مسافرين .. وهالشي زاد عندو روح المسؤوليه ... مشان هيك إذا في شي مناسبه سعيده رح تلاقي مازن أول المهنئين ... ولو كان في مناسبه مو منيحه ... رح تلاقي أول شخص بيوقف معك بهالمناسبه ... ومتل ما الكل بيعرف أنو الشخص يلي بيوقف معك بأفراحك و أتراحك ... بيكون شخص منيح كتير ... وبيكون شخص مستقيم ... ومخلص .. بالعائله مازن فرد مهم من الأفراد ... ولما عم أحكي عن العائله بقصد حوالي (40) شخص .. بين خالات وخوال وولاد خاله ... الخ وهو من الأشخاص يلي وجودهم بيعمل سعاده عند الحاضرين وغيابو بيعمل حزن .. مشان هيك هو واحد من أهم شباب (قصدي جيل الشباب)في العائله ..
مازن الحبيب ... مابدي أحكي عن مازن الحبيب إلا كلمتين ... مازن بالحب عاشق مجنون ... حبو مابيعرف حدود ولا مسافات ...
مازن بالنسبه ألي .. مازن بالنسبه ألي هو الأخ والصديق .. وما بنسى أبداً زكريات عشتها معاه ... بصراحه وبقولها أدام الكل .. كانت أحلى أيام حياتي ... بكل تفاصيلها .. الضحك .. الزعل .. البكى .. كل شي .. بتذكر مقهى (أروما كافيه) يلي تكسرت عتباتو من كتير ما قعدنا فيه ... ونحنا عم نطلب طلبات غريبه مشان نكتشفها ... (خاصةً وقت طلبنا نوعين من العصير بعمرنا ما سمعنا فيه .. طلع تبعي فيه حبيبات وصارت الشلمونه تتسكر .. وتبعو طلع حامض وصار معو حرقه بالمعده من حموضتو) بتذكر سينما الشام يلي كنا نشوف فيها أحلى الأفلام ... (والله أنا كذاب هو فلم واحد) بس عنجد كان من أحلى الأفلام يلي شفتها بحياتي ومو السبب بهالشعور الفلم ... لأ الجو العام بيخليك ما تنسى ... أكيد بتزكر الصبايا يلي كنا نوقفهم مشان نعرف (السفاره الحمصيه) وين مكانها ... والصبايا يلي كنا نشوفهم بأرقى أحياء دمشق و نعزمهم على (مرقة فول ) مشان نشوف ردة فعلهم .. والشي يلي ما بنسى ... هو وقت طلعنا بعز الصيف .. يعني بشهر آب ... والعالم رح تموت من الشوب وتمشينا شي ساعه بالجواكيت والطواقي واللفحات الصوف .. والشي يلي إذا متت مارح أنساه وأنا متأكد أنو هو بيبادلني نفس الشعور ... وقت كنا عم ناكل بقلب السياره ... بمكان عتمه ... وعم نصارح بعض بكم شغله .. ووقتها قررنا نكون رفقات ... ولحد هلأ كل مايصير في سوء تفاهم بننا بنقول ... تتزكر هداك اليوم ؟؟ مو قررنا وقتها نحكي كل شي بقلبنا ؟؟ يلا أحكيلي ليش زعلان مني ؟؟؟
مازن أكيد بقلبك عم تقول لسى في قصص وشغلات مجنونه عملناها وأنا مو كاتبها .... قصدي على الكفرون و عين العصفور .. والأشباح بالطريق ... بس هالأشياء خليهم لنعملهم مره تانيه هاد الصيف .... الحلو بمازن أنو بس يكون قاعد مع طفل بيغير عقلو ليصير من نفس عقل الأطفال ... والهدف يكون قريب من هالطفل .. وبس يكون عم يناقش شخص كبير بتقدر تحس من كلامو أنو متزن وفهمان كل شي 100% .. و طريقة حكيو بتنم عن خلفيه ثقافيه بحته ... (هههههههههه) هالجمله بدنا نحكيها بالأردني طيب؟؟؟ أنا حكيت كتير عن مازن .... بس في شي قبل ما أنهي الموضوع ... حكينا عن مازن .. الأخ .. الصديق .. الخ بس ما حكينا الشي يلي ما بيعرفو معظمكم ...
مازن المطرب ... يلي لازم تعرفو أنو مازن (ماشاء الله ) عندو صوت رائع رائع رائع رائع رائع ... رح أحكي هالقصه عالسريع مشان تفهمو مني شو قصدي .. مره كانت العائله مجتمعه بمنطقه أسمها الكفرون ... عند جماعه بنعرفهم منيح .. صدف أنو عند الجماعه شخص بيقرب مطرب عربي ... ( مشهور لدرجه مو طبيعيه وبقلكم مين بيني وبينكم لأنو مابدنا نعمل أعداء للمنتدى) المهم هاد الشخص كان أبن أخت هاد الطرب ... وهالشخص هاد معروف أنو صوتو خارق من شدة جمالو .. ومن شدة الروعه .. المهم نحنا عملنا مباراة بين مازن وهاد الشخص وطبعاً مازن بكل تواضع غنى أغنيه كتييييييييييييير حلوه .. وأنا عطيتو الطبقه تبعها .. ولما خلص مازن ...هالشخص هاد رفض يغني .. لأنو حس أنو صوتو ولا ي أدام هالصوت تبع مازن ... طبعاً مازن بيغني أدام العائله والرفقات بس ... (يمكن بعضكم يسأل ليش ما شارك بسوبر ستار أو هيك برامج مثلاً؟؟؟) طبعاً هاد الشي خاص بمازن ... يلي بدي قولو اليوم أنو من فتره مازن سجل أغنيه كتيييييييييييييييييير حلوه باستديو .. (للتسلايه طبعاً ) ... هالأغنيه أسمها طلع البدر... لمشاري العفاسي ... أنا كنت حابب حطلكم هالأغنيه بالمنتدى .. وطبعاً أنتو بتعرفو أنو هالشي ممنوع ..هالمنع مو من الإداره .. من الشركه يلي عن طريقها صار هالمنتدى .. مشان هيك ما قرت حطها ... بس بعد محاولات فظيعه كتيييييييييييييييييييييييييييييييييييير ... قدرت أخد أذن بوضع مقطع صغير من هالأغنيه ... مشان هيك أنا عدلت عالأغنيه ... (حذفت صوت الكورس ..) لصغر من وقتها يلي هو (5 دقايق) إلى (تلت دقائق تقريباً) يلي بدي ألكم ياه أني ما حذفت ولا كلمه غناها مازن ... بس حذفت صوت الكورس بس .... كانت هي و هي كانت مفاجأة المنتدى لمازن .... تحت رح تلاقو طريقة تحميل الأغنيه ... إنشالله تكون عجبتك المفاجأه مازن ... أنت والجميع ... وأنتظرو المزيد من المفاجأت قريباً جداً ... أنا حكيت كتييييييييير وهلأ بدي ياكم أنتو تحكوا ...
عدل سابقا من قبل في الإثنين أكتوبر 22 2007, 21:16 عدل 2 مرات
MANAR Admin
عدد الرسائل : 295 العمر : 33 الموقع : http://en.netlog.com/manar19 تاريخ التسجيل : 28/09/2007
موضوع: رد: مالاتعرفونه عن مازن ... الإثنين أكتوبر 22 2007, 19:56
أنقر على الرابط التالي ...
http://up18.arabsh.com/my.php?go=e0520a.wma ستفتح لك الصفحه التاليه أضغط على (( اضغط هنا لتحميل الملف ))بالزر اليمين للفاره .. ستفتح لك قائمه ... اضغط على ((حفظ الهدف بأسم)) .. أنتظر قليلاً ريثما يتم إحضار معلومات الملف ..
بعد قليل سيفتح لديك نافذه لتحديد المكان الذي تريد حفظ الملف فيه ..
بعد تحديدك المكان أضغط على ((حفظ)) هنا ستفتح لك نافذه ... من خلالها سيعطيك بيانات عن سير نقل المعلومات إلى كمبيوترك ...
(تختلف سرعة النقل من كمبيوتر إلى أخر حسب سرعة أتصال الكمبيوتر بشبكة الإنترنيت) بعد الإنتهاء من التحميل
أذهب إلى المكان الذي أشرت إليه سابقاً لتحفظ الملف به ... ستجد ملف جديد بأسم ((audio)) أضغط عليه وأستمع ....
عدل سابقا من قبل في الإثنين أكتوبر 22 2007, 21:17 عدل 1 مرات
tofa عضو برونزي
عدد الرسائل : 179 العمر : 31 تاريخ التسجيل : 28/09/2007
موضوع: رد: مالاتعرفونه عن مازن ... الإثنين أكتوبر 22 2007, 21:08
يا عيني عليك يا مازن,من اول ما شفتك حسيتك متل ماحكى منار,ونيالك ياخي شو بدك احسن من هيك,هاي الك اكبر موضوع بالمنتدى وبتستاهلو بدون نقاش.....
tofa عضو برونزي
عدد الرسائل : 179 العمر : 31 تاريخ التسجيل : 28/09/2007
موضوع: رد: مالاتعرفونه عن مازن ... الإثنين أكتوبر 22 2007, 21:10
الأغنية بتجننننننننننننننننننننننننننننننننننن,وحياة الله وحياة الله شعر بدني وانا عم اسمعها,برافو عليك مازن عنجد برافو عليك!!!
mazen عضو فضي
عدد الرسائل : 231 العمر : 37 تاريخ التسجيل : 02/10/2007
موضوع: رد: مالاتعرفونه عن مازن ... الأربعاء أكتوبر 24 2007, 02:30
واو واو واو منار والله احبك والله احبك هذا احلى شي عملي ياه احد بحياتو مرررررررررررررررررررررررررررررررررررررره شكرا واحنا الشباب مستحيل الثاني يقول لرفيقو احبك بس رح اكسر القاعده والله احبك يمنار وانت اخ وصديق وكل شي تجنننننننننننننننننننننننننن
doa'a عضو نشيط
عدد الرسائل : 107 العمر : 34 تاريخ التسجيل : 04/10/2007
موضوع: رد: مالاتعرفونه عن مازن ... الإثنين ديسمبر 31 2007, 17:07
ما شاء الله مازن والله بجنن صوتتتتتتتتتتتتتك ما شاء الله ما شاء الله
الإثنين أكتوبر 22 2007, 19:54
